 |
| तस्बिर / रुबी खान |
नेपालगञ्ज — बाँके प्रहरीले सामाजिक अभियन्ता रुबी खानविरुद्ध पक्राउ पुर्जी जारी गरेको छ। जिल्ला प्रहरी कार्यालय बाँकेद्वारा जारी गरिएको पक्राउ पुर्जीअनुसार सार्वजनिक शान्ति विरुद्धको कसुरसम्बन्धी अनुसन्धानका सिलसिलामा उनलाई तत्काल पक्राउ गर्न आदेश दिइएको उल्लेख छ।
प्रहरीले जारी गरेको जरुरी पक्राउ पुर्जीमा रुबी खानको ठेगाना नेपालगञ्ज उपमहानगरपालिका–७ रहेको उल्लेख गरिएको छ। पुर्जीमा प्रहरी निरीक्षक केशव के.सी.को हस्ताक्षर रहेको देखिन्छ भने मिति २०८३/०१/१५ गते उल्लेख गरिएको छ।
रुबी खान पछिल्लो समय नेपालगञ्ज क्षेत्रमा महिला अधिकार, सामाजिक न्याय तथा नागरिक सरोकारका विषयमा सक्रिय रूपमा आवाज उठाउँदै आएकी अभियन्ताका रूपमा परिचित छिन्। पक्राउ पुर्जी जारी भएसँगै यस घटनाले सामाजिक सञ्जाल र स्थानीय राजनीतिक वृत्तमा व्यापक चर्चा सुरु भएको छ।
यद्यपि, प्रहरीले घटनाबारे विस्तृत विवरण सार्वजनिक गरिसकेको छैन। अनुसन्धान प्रक्रिया अघि बढिरहेको भन्दै आवश्यक कानुनी प्रक्रिया अनुसार काम भइरहेको प्रहरी स्रोतले जनाएको छ।
यस घटनाप्रति मानवअधिकारकर्मी, नागरिक समाज तथा विभिन्न पक्षबाट चासो व्यक्त हुन थालेको छ। केहीले यसलाई अभिव्यक्ति स्वतन्त्रता र नागरिक अधिकारसँग जोडेर हेरेका छन् भने केहीले कानुनी प्रक्रिया स्वाभाविक भएको टिप्पणी गरेका छन्।
 |
| जारी पक्राउ पूर्जी |
#रुबी_खान #RubyKhan #नेपालगञ्ज #बाँके #पक्राउ_पुर्जी #सामाजिक_अभियन्ता #नेपाल_समाचार #BreakingNews #HumanRights #NepalNews #CivilRights #Nepalgunj #Banke #TrendingNews
