कृष्ण रिजाल - मुक्तक

 

मुक्त्तकहरू 

बाहिर जस्तै भित्र देखाउन नसकेर, 
अन्तरमनको चित्र देखाउन नसकेर,
 कसम त्यो ऐना कति पछुताउँदो हो,
 मुहार जस्तै चरित्र देखाउन नसकेर ।

यस्तो पाराले हेर जिन्दगी चल्दैन, 
भन्दैछु मैले सोचेर जिन्दगी चल्दैन, 
गुजारा चलाउन पैसा नै चाहिन्छ आखिर, 
तिम्रो मुस्कान हेरेर जिन्दगी चल्दैन ।

साना खुसीमा रमाए बाँचेको सार हुन्छ,
 हाँसे यै मुस्कान दिन काट्ने औजार हुन्छ, 
व्यर्थे प्यारमा दिल नभाँच ए! जवानहरू, 
त्यसपछि न मर्मत हुन्छ न उपचार हुन्छ ।

# कृष्ण  रिजाल

# नेपाली साहित्य 

# नेपाली मुक्तक